სალომე ბრეგვაძე ბრიტანულ-ქართულ აკადემიაში II (წითელი) კლასის დამრიგებელი და მენტორი მასწავლებელია; ასწავლის ქართულს, მათემატიკასა და ბუნებისმეტყველებას. ბაკალავრის ხარისხი თბილისის სახელმწიფო უნივერსიტეტში მოიპოვა, მაგისტრატურა ილიას სახელმწიფო უნივერსიტეტში განათლების ადმინისტრირების მიმართულებით დაასრულა და ისტორიის, სამოქალაქო განათლებისა და მათემატიკის უფროსი მასწავლებლის კვალიფიკაცია მოიპოვა. ექვსწლიანი გამოცდილება აქვს: მუშაობდა 45-ე საჯარო სკოლაში, ფინურ საერთაშორისო სკოლაში, „აზროვნების აკადემიასა“ და „ათასწლეულის სკოლაში“. 2024 წელს მოსწავლეებთან ერთად პროექტი „თავგადასავალი“ განახორციელა. სალომესთვის სწავლება ცოცხალი, შემოქმედებითი პროცესია. უყვარს იოგა, ცურვა, ჩოგბურთი და ლაშქრობა.
