Book Club — ბრინჯაოს მკითხველების დაჯილდოება

11 დეკემბერს 2-5 კლასების მოსწავლეები ინგლისური წიგნის კლუბის ფარგლებში ბრინჯაოს მკითხველის სერტიფიკატებითა და გულსაკიდებით დაჯილდოვდნენ. კლუბის ფარგლებში მოსწავლეები თავად ირჩევენ ინგლისურენოვან წიგნებს, კითხულობენ და შემდეგ კლუბის ხელმძღვანელთან ერთად მსჯელობენ. ბრინჯაოს სტატუსის მოპოვების შემდეგ მოსწავლეებს წინ ვერცხლისა და ბოლოს ოქროს მკითხველთა დაჯილდოება ელით. აღსანიშნავია, რომ ჩვენს პატარა მკითხველებს დამატებით ვაჯილდოებთ როგორც მონდომებისათვის, ასევე განსაკუთრებული ძალისხმევის გამოჩენისათვის. მოსწავლეებს ამჯერად წიგნის კლუბის სამახსოვრო მაისურები გადაეცათ.