სალომე დანელია British-Georgian Academy-ის დირექტორია. მისი პროფესიული საქმიანობა აერთიანებს განათლების ლიდერობას, ინსტიტუციურ განვითარებას, ორგანიზაციულ ცვლილებებსა და საერთაშორისო თანამშრომლობას. BGA-ში 2018 წლიდან მუშაობს და სხვადასხვა ხელმძღვანელ პოზიციაზე ყოფნისას ჩართული იყო სკოლის ადმინისტრაციულ და სტრატეგიულ მართვაში, მოსწავლეთა მიღებაში, ადამიანური რესურსების განვითარებაში, ბავშვთა დაცვასა და სასკოლო პროგრამების განვითარებაში. დღეს მისი პასუხისმგებლობა მოიცავს სკოლის სტრატეგიულ და ოპერაციულ ხელმძღვანელობასა და ინსტიტუციურ განვითარებას.
სალომეს პროფესიული გზა სოციალური სამართლიანობის, თანასწორობის, ადამიანის უფლებებისა და ბავშვთა დაცვის სფეროებიდან დაიწყო. იგი მუშაობდა სახელმწიფო სტრუქტურებსა და ადგილობრივ და საერთაშორისო ორგანიზაციებში – მათ შორის Caritas Georgia-ში, Georgian Association of Social Workers-სა და იტალიურ UILDM Lazio Onlus-ში. არის Social Workers Club-ის თანადამფუძნებელი და Open Society Foundation Georgia-ის მიერ დაფინანსებული პროექტის ხელმძღვანელი. მისი საერთაშორისო გამოცდილება მოიცავს Erasmus+ პროექტებსა და COBIS-ის პროფესიულ ქსელს.
სალომეს აქვს სოციალური მუშაობის ბაკალავრის ხარისხი თბილისის სახელმწიფო უნივერსიტეტიდან და სოციოლოგიის მაგისტრის ხარისხი ილიას სახელმწიფო უნივერსიტეტიდან. პროფესიული განვითარება გააგრძელა საერთაშორისო ლიდერობის პროგრამებში – მათ შორის Harvard University-ის Achieving Excellence: Leadership Development for Principals და Harvard Business School-ის Leading Change და Leading Learning პროგრამებში.
