შემოდგომის ფესტივალი

ბრიტანულ-ქართული აკადემიის დაწყებითმა საფეხურმა ერთობლივად აღნიშნა შემოდგომის ფესტივალი, რომელიც გრანდიოზული გამოფენა-გაყიდვით დასრულდა. მოსწავლეებს საშუალება ჰქონდათ, კვირის განმავლობაში მონაწილეობა მიეღოთ სხვადასხვა შემოქმედებით და საქველმოქმედო აქტივობებში, როგორებიცაა: ნახატების გამოფენა, ლიტერატურული ესეების მომზადება, გამოყენებული სათამაშოების შეგროვება და  საშემოდგომო აქსესუარების დაზადება. 1-ელ ნოემბერს მშობლების მონაწილეობით გაიმართა მოსწავლეების ნამუშევრების საქველმოქმედო გამოფენა-გაყიდვა, რომლის ფარგლებშიც ერთობლივი ძალისხმევით 10,800 ლარი შეგროვდა. სკოლა ამ თანხით საგანმანათლებლო რესურსებს შეიძენს და საჩუქრად გადასცემს მაღალმთიანი რეგიონის ორ სკოლას.