ბრიტანულ-ქართული აკადემია დასაქმების ფესტივალზე

HR hub–ის ორგანიზებით 14 ივნისს ვაკის პარკში დასაქმების ფესტივალი გაიმართა, სადაც ბრიტანულ-ქართული აკადემიაც იყო წარმოდგენილი.

კარიერისა და დასაქმების მასშტაბური ფესტივალი, რომელიც 2017 წლიდან ტარდება, სამსახურის მაძიებლებს საშუალებას აძლევს, შეხვდნენ კომპანიების წარმომადგენლებს და მათგან მიიღონ ინფორმაცია მიმდინარე ვაკანსიებისა თუ კარიერული განვითარების შესაძლებლობების შესახებ.

დაინტერესებულ პირებს შესაძლებლობა ჰქონდათ, გასცნობოდნენ ბრიტანულ-ქართულ აკადემიაში არსებულ ღია პოზიციებს და გასაუბრებოდნენ ჩვენი ადამიანური რესურსების მართვის სამსახურის წარმომადგენლებს.

ბრიტანულ- ქართული აკადემიისთვის, როგორც საერთაშორისო ასპარეზზე აღიარებული ზოგადსაგანმანათლებლო დაწესებულებისთვის, თანამშრომლების განვითარებაზე ზრუნვა ერთ-ერთი ყველაზე მნიშვნელოვანი ღირებულებაა.

ჩვენს მიმდინარე ვაკანსიებს შეგიძლიათ ამ გვერდზე გაეცნოთ.